Na semana santa, fun con Patri e Ceibe á Cordilleira Cantábrica. Fixen 6 actividades deportivas
diferentes, compatibilizando facer o que me gusta, coa
viaxe en parella... E xa mo di Patri: “Sechu, é que non es capaz
de estar un só día sen facer nada!”
Esquí.- O domingo 29 de marzo pola noite chegamos ao Albergue La Mina (Puebla
de Lillo, León). O día seguinte paseino esquiando en San Isidro. O día
estivo bastante cuberto e con vento.
![](https://blogger.googleusercontent.com/img/b/R29vZ2xl/AVvXsEiz2MVeBU4OAxZPQOJZQwEkP0nOdi7kQOsqkD9LL2jHUIwX3BBAFIHTwvLIRzeBwg_IiPt6okB1wiebJrXkgPz3ZhyphenhyphenIPN7fcx5hJnki20gHLU_tXg8vuHP649L2-bfZi9eoy2aJW4QUauIE/s1600/1.-+Ria%C3%B1o_+DSC_0002.jpg) |
Riaño |
![](https://blogger.googleusercontent.com/img/b/R29vZ2xl/AVvXsEhbCWIrofM_pK0ipA6siesXRW8k_BI4qRoISk80Uov4kBRU8SmVJc9PGVTNT5t4mAsaZgNZ37kLG70Ufy8ko7owYCm-tRxPfIkykZKaiBghiY8I8imW5qP_zHqllj3QVAac0hI7xWn-dBui/s1600/2.-+Cig%C3%BCe%C3%B1a_+DSC_0024.jpg) |
Cigoña |
Travesía con Raquetas.-
Tras a segunda noite no albergue fomos á cara sur dos Picos de
Europa, entrando dende Riaño. Deixamos o coche en Soto de Sajambre,
para internarnos nos seus fermosos bosques ata o refuxio de Vegabaño,
onde chegamos coas raquetas de neve para pasar a noite. Ao día
seguinte fomos cara arriba coas raquetas, nunha xornada de montaña
moi luminosa.
![](https://blogger.googleusercontent.com/img/b/R29vZ2xl/AVvXsEi8AgscKKcSUavxCnzQccWa5rhyfI0pAqmW45Eosl6-g6G4AD9qf353zIGpnhl0tMYbr9TvoCWcEbYpqJ00QKPk6EboCkyAfGKcGhJOcGd-y4fNHQWfXlGE1JadHAs2qrMEfisiYhUWW5u8/s1600/5.-+Ceibe+e+can_+DSC_0048.jpg) |
Ceibe co can do refuxio de Vegabaño, vistos dende a porta. |
![](https://blogger.googleusercontent.com/img/b/R29vZ2xl/AVvXsEhPEI4XSjx9dkODQ_K6o1nUNIo3HzOBiz1GwaRMLplzXa5bw6TsHbwqE-RfT0mUnB6CYkzrRlwX1_VkUgoO0AfmQ4QIioXaJw0kMIqfl_ORdeiBce_vWZGy5Z8jN_Vf_BMSkaBbyl5PNLrP/s1600/3.-+Sechu+en+Vegaba%C3%B1o.jpg) |
En Vegabaño |
![](https://blogger.googleusercontent.com/img/b/R29vZ2xl/AVvXsEicu4nlZiaqYKgMiOtuJ5-KfCt3GCIyK-2dKjnLwoURucsu2HIcfGMcQ2kMBaD65nbMB_-DEdwdDwXhNaHO4Mt6ej2ilxH0HjIo8VaF1rBtpKsAhF-a9TxTAgmULq-AuovchwlIr0Wp48Hg/s1600/8.-+carballo_+DSC_0229-2.jpg) |
impoñente exemplar de carballo |
Alpinismo.- O
mércores, no serán, marchamos ao cámping “El Cares” en Santa
Marina de Valdeón, pois o día seguinte subiría moi cedo ao
“Friero” (2.445 m). Así, o xoves iniciei a ascensión ás 5.55
h, chegando ao cumio ás 11 da mañá, despois de ter que cruzar un
río descalzo e dar unhas voltas de máis pola parte baixa da montaña
na escuridade da noite ata atopar a ruta axeitada; e xa na parte
final da ascensión polo corredor da cara norte, traccioando cos
piolets e sobre as puntas frontais dos crampóns, para chegar ao
cumio o primeiro do día, seguido por varias cordadas. Xa abaixo,
recollemos todo e fomos visitar á oitomilista asturiana Rosa
Fernández (con quen coincidín no Annapurna) que estaba pola zona.
![](https://blogger.googleusercontent.com/img/b/R29vZ2xl/AVvXsEhxwiqmrGnYGKVgfRo8cQe9hmXBMAuHiZFSA0JCvml3CanfwLIDhn6-6vO90x3fFg9jmEvLCZYo6HTyBwsjTIHZV31F61zRPlsokjOG_VB0HjWakpfyUTaCnOSwex16HDSutjQNUJTAItzn/s1600/09.-+Sechu+en+Friero.jpg) |
no cumio do Friero (2.445 m) |
![](https://blogger.googleusercontent.com/img/b/R29vZ2xl/AVvXsEiM18ZJrzWr4zP5K4JdrJs8m9Byf0d_V5Kgo_AHG0NkdBkOGmf2qy8GfxFKgJ5bcacqFkelZUm3X5tyLEikh6mYGERgaOcPiAuhcTxT82Ag-riC1g-X9SCo2yUyP3UMkuHDv_Ap4VCqLswZ/s1600/10.-+Cumio+do+Friero+_DSC2265.jpg) |
alpinistas chegando ao cumio do Friero |
![](https://blogger.googleusercontent.com/img/b/R29vZ2xl/AVvXsEhEZeEYvqAkS_f53om0kbKHgzj89WWMcG5b-vXsOK8fI1_E6seDYvP4DKIKXaBYk2GPTynr0RVc84HWyg2x5x7co3RW012Pb8sNRJMMHZFsWcf-pNt2Ko4fex8Ar8hS0zA-UgfiatjnHz6f/s1600/11.-+Corredor+acceso+cumio+do+Friero+_DSC2279.jpg) |
alpinista no corredor de acceso ao cumio do Friero, cara Norte. |
Espeleoloxía.-
Deixamos Picos de Europa e imos destino a Ramales de la Victoria
(Cantabria), ata o cámping, onde estaban varios compañeiros
espeleólogos de Club Montañeiros Celtas.
O venres fun co grupo
espeleolóxico ao Sistema do Mortillano (o maior de España, con 135
km), para realizar a travesía Calaca-Crucero (que son dúas das súas
20 bocas).
![](https://blogger.googleusercontent.com/img/b/R29vZ2xl/AVvXsEiIsqPqnP-pu4jkIkqs2PcmnvvZuWhkLV7b1H-cYYeCPE1BWLimsf4B0Gy1r7U8r6LWU_Uxel-KWS15BA7_qOn1tQ36ThW2_yhEzeeDd8Oa0h9dr1gdvKnaHaACr3DI2Nx3ssRKCKI7kvGK/s1600/12.-+Espeleo+en+Mortillano.jpg) |
Boca "Calaca" do Sistema do Mortillano (Ramales de la Victoria, Cantabria) |
![](https://blogger.googleusercontent.com/img/b/R29vZ2xl/AVvXsEgTbwF4fB_SPnJdJKmsAgz1-GUbm_aXY5ItxLFA9KjoxjPZf8wlb_BYW_DyA4HlDPorE-30AkmZh8XTy2TG8mznWxyYhLP7s-B-FWGTIqDl-MEVPbqWf1CsHzBxNkGCuB2NW1L7iIn9Yztg/s1600/Sechu+x+Carol+(37).jpg) |
Co casco torcido, unha típica imaxe miña |
Ferratas.- O sábado pola mañá fomos a realizar un par de
vías ferrata da zona, a primeira “El Cáliz” en Ramales e a
segunda “El Risco” en Matienzo. Era a primeira vez que Patri
realizaba esta actividade. Xa pola tarde marchamos a Galicia, pero
pola costa norte, facendo noite en Miño (A Coruña).
![](https://blogger.googleusercontent.com/img/b/R29vZ2xl/AVvXsEjpKceg-kQd0sygwcMIS3GTnX_zFmieGyaSsSjNPajFSCVr0esrwUovkEgbGg_ngt0gaY2R2f-XMPib2EiT35s434s6uH6krbzNbep156lEFpgUi5rCVeGg5gKc9ZANpZ65H6djTwoLBEhb/s1600/13.-+Patri+en+1%C2%AA+ferrata.jpg) |
Patri na ferrata "El Cáliz" |
![](https://blogger.googleusercontent.com/img/b/R29vZ2xl/AVvXsEiTssjdkerTeKt2alkGn9Mj0v314MOfb_og-3TEwv6ETOhrj4GhBe4FEFUJ82eB4Ee1_CzoJ_Ggofuz3QlSFo-FlBEHZZ9nIakowJJZO73pdTMdcMuC134a3jdw0aU17qP7Scoup1L_XQak/s1600/14.-+Sechu+en+2%C2%AA+ferrata.jpg) |
Na ponte do final da ferrata "El Risco" |
Carreira por montaña.- Na mañá do domingo, 5 de abril,
inda fomos a correr polo Parque Natural das Fragas do Eume, antes de
marchar para Vigo.
Rematei así unha semana na que fixen 6 actividades deportivas
diferentes, compatibilizando diversas actividades que me gustan, coa
viaxe en parella... E xa mo di Patri: “Sechu, é que non es capaz
de estar un só día sen facer nada!”
![](https://blogger.googleusercontent.com/img/b/R29vZ2xl/AVvXsEhM9l8PcuoHSV3Neq2-vI3KdANz7Hi7NknkhId77j2PmWjkqxXCj3nLIjDC6Mka_ljIY9FjmGjQFaHvSqbrmiYiVqH3OhLlTTftJ9jpON8k83TUVNB8yM9laupWJadeuNIrO-fXIt4nkBwA/s1600/15.-+Fragas+do+Eume.jpg) |
Parque Natural das Fragas do Eume (A Coruña), despois de correr. |
|
|
|
|
|
|
|
|
Ningún comentario :
Publicar un comentario