O meu novo "Primeiro dousmil"

   Regresei de Trevinca moi contento, acadara o cumio da miña primeira montaña de dousmil metros!!! ( ...dende o accidente).

   Foi unha breve viaxe a terras de Trevinca, con Patri. Estupenda cea cos amigos Cholo e Marcos de O Trisquel, onde quedamos a durmir. Pola mañá, despois do almorzo, iniciamos a ascensión ao cumio de Galicia, Pena Trevinca (2.127 m), sen a confianza de estar eu en condicións de chegar... Pero chegamos! 

   Nun fermoso día, gocei deste cumio como se fora a primeira vez.

Sechu no cumio de Pena Trevinca (2.127 m)

na ruta de ascensión ao Sextil

a fermosa mixtura de cores na matogueira do Sextil

Patri nun descanso, antes do inicio da parte final da ascensión  (cumio ao fondo)

Tomando o bocata no cumio

Descenso polo Lomo do Roncín, practicamente sen neve.

parte final do regreso, pola pista das minas dos alemáns