 |
| Barcelona |
Viaxe breve a
Barcelona para asistir o pasado venres a unha intensa xornada de
conferencias sobre “Comunicación, Viajes y Aventura” na
facultade de Ciencias da Comunicación (
periodismo), da Universidade Autónoma de Barcelona. Experiencias de periodistas e foto-periodistas, entre eles: Pere Ortín (Director de
Altaïr Magazine), David Revelles (periodista e escritor),
Jesús G. Pastor (fotográfo e periodista),
Alfons Rodríguez (fotógrafo documentarista) e outros máis mozos, quen expuseron sobre as súas viaxes e proxectos, todos con puntos de vista moi interesantes, valentes e orixinais.
 |
| numeroso público universitario asistiu ás conferencias |
|
A mañá do
sábado estiven na presentación dunha nova cámara
Olympus no
Recinto Modernista de Sant Pau, e tiven a fortuna de contemplar o
traballo e as explicacións de tres bos fotógrafos:
Diego Garín,
Mediobarco, e o meu amigo e alpinista
Javier Camacho Gimeno cun
audiovisual das súas últimas mellores imaxes de alta montaña, que
por dúas veces foi quen de facer dos meus ollos, pucheiros de
bágoas... pois emocionáronme as fermosas imaxes á vez que pensaba
que quizais eu non volvería ser parte desas paisaxes.
 |
| Recinto Modernista de Sant Pau |
 |
| con Javier Camacho, despois da súa exposición |
|
E pola tarde fun á
mítica
librería Altaïr, a maior de Europa especializada en viaxes,
onde ademais de mercar un bo número de publicacións, tiven a
oportunidade de falar afablemente co seu apaixonado propietario, Pep
Bernadas, quen sentenza “El viaje es una máquina de hacerse
preguntas”.
 |
| Estatua de Colón, viaxeiro e aventureiro |
Dous
enriquecedores e ben aproveitados días de viaxe, para seguir
viaxando quizais con aínda máis ganas.
Ningún comentario :
Publicar un comentario