03/10/10

Plans de cumio: apuntamos ao día 6.


Foto desta mesma mañá, de esquerda a dereita: Stefano, Sechu, Unai e Chavi.

Hoxe comeza a miña tentativa de cumio. En función da meteoroloxía anunciada, temos previsto acadar o cumio o mércores 6 os seguintes membros do noso grupo: Chavi, Unai, Stefano e máis eu, ademais do sherpa dos dous primeiros. Partiremos esta tarde, dentro dun rato pois xa xantamos, coa intención de durmir no C1. Ao día seguinte subiremos directamente ata o C3 para pasar a segunda noite. Na seguinte xornada temos o tramo máis duro e difícil, para chegar ao C4 (a uns 7.400 m), onde pasaremos a terceira noite, confiando en que a nosa aclimatación sexa boa. O día 6, madrugaremos para superar os case 800 metros de desnivel que nos separan do cumio. Neste día de cumio o terreo non é moi complicado, pero é doado desorientarse se as condicións non son boas. A parte máis difícil son os metros finais, pero esperamos poder superar todas as dificultades e chegar ao punto máis alto, o cumio.
A dificultade engadida é que non sabemos doutros montañeiros que intenten cume ese día, polo que é posíbel que esteamos sós. A maioría das expedicións intentaron cumio os días 30 e 1, algunhas conseguiron poñer a membros dos seus grupos no cumio e outras non, pero se están a retirar case todas, e o CB vai quedando deserto.

A seguinte comunicación será cando baixe, espero ter boas novas que contar, pero en calquera caso, o importante é ter a oportunidade de estar aquí, compartir vivencias con outros montañeiros, gozando desta montaña e do seu contorno.

Un abrazo a todos.

11 comentarios :

Javiti dixo...

Animo y suerte, chavalotes, que subimos con vosotros.

manolo portbou dixo...

Un saludo Sechu, la 36 promocion de Villagarcia esta contigo deseandote suerte y dandote muchos animos

Alex dixo...

Animo y mucha suerte, que ya ha llegado tu momento. Te esperamos a que bajes para que nos lo cuentes.

Xulio dixo...

Ben, aquí tamén estamos todos desexando que chegues arriba para que te veñas pronto de volta!. Unha aperta!

Brentxito dixo...

Dende vigo seguimos atentos a tua viaxe e empurrando coas ganas e o desexo de que todo saia ben, e que volvas con ese triunfo tan merecido. Se miras o Yeti dalle un saudo...pa ti, cafe fortaleza, chocolate valor e moita sorte...unha aperta.

Abel Alonso dixo...

Dalle canha!!! Dende KAthmandu estamos un de Vigo e un andaluz.
Sorte Sechu. Por certo chegaremos ao base o 16 ou 17.
Un abrazom, Abel.

Helga dixo...

Mucho ánimo Sechu. Un abrazo.

Unknown dixo...

Ala parriba!! pero sobre todo pabaixo!!

Forza e sorte, estamos a espera das próximas novas ... e dunhas cervexas cando voltes.

Luis dixo...

Tendo xa as novas do intento de cumio, só queda desexar-te que te repoñas pronto desas conselacións e que non esquezas que "todo está no camiño, o fin e só un punto no infinito".
FELICIDADES SECHU

Maria F. dixo...

Hola Sechu!! Helga me ha puesto al corriente de tu "percance". Deseo que te recuperes lo más rápido posible y que cuando vuelvas, hagas una visita a las chicas de S. Martin de Coia. Estaré encantada de que me tomes el pelo como siempre.

Un abrazo enorme!! Te esperamos!!

Celia dixo...

Hola Sechu, que pindongo, no sabías como irte a las fiestas del Pilar "de Gratis" y coges y dices... ¡ale, pues vendamos un par de dedos y pa'Zaragoza directo!
Fuera de bromas, te deseo una pronta recuperación y muchas actividades invernales para este invierno que está a punto de llegar y a ver si coincidimos en el campo base de otra gran montaña ;)
Mucha suerte