Cheguei, moi ao meu pesar, en helicóptero ao CB, como todos. Convencéronme do perigo da ruta, sobre todo para un único montañeiro, xa que os ríos van con moita auga e dixéronme que fan falta cinco persoas para montar unha corda que axude a cruzalos.
Polo tanto, tras só 4 días dende a saída de Vigo, a nivel do mar, estaba no CB a 4.190 m. Sentín moito non facer o tréking, e sobre todo non poder aclimatar noutro sitio, pero as circunstancias mandan. O día de chegada foi para acomodar todo o material, esa mesma mañá tamén chegaron os meus bidóns, tras un gran esforzo da axencia que organiza a expedición, toda una odisea cun bo final.
Ao día seguinte fun ata o campamento de Carlos Soria que acababa de chegar co seu grupo, para saudar a todos. Logo fun dar un paseo ata un glaciar, cheguei aos 4.600 metros, para ir aclimatando. Estes primeiros días tiven lixeira dor de cabeza.
O terceiro día da nosa chegada xa fomos ata o C1 (5.050 m) e custoume chegar, ía bastante cargado xa que eu non teño sherpa. Pasei unha primeira noite bastante ben, polo que ao espertar saín cara o C2 (5.508 m) e a pesares da dor de cabeza cheguei ata el e tras 20 minutos de descanso regresei ao C1 onde pasei una segunda noite, tamén boa. Neste C1 compartín tenda con Óskar Cadiach e o canadense Don Bowie.
O 2 de abril, foi día de descanso. Onte antes de comer fun correr unha hora, tamén realizamos distintos intentos de enviar algún correo empregando o meu teléfono e o ordenador dos mexicanos, pero sen éxito, foi cando empecei a escribir esta entrada para o meu blog. Pero esta mañá seguimos a intentar enviar algo e siiiiiiii, conseguímolo!
Mañá teño previsto subir a durmir ao C1 e ao día seguinte ao C2, levarei bastante peso para establecer nese C2 unha especie de “cabeza de ponte” entre o CB e o cumio. Dende o C2 pode que intente alcanzar o C3, o tramo da ruta máis temido por todos.
Unha aperta
Sechu, dende o CB do Annapurna.
Mércores, 4 de abril 2012, 11.05 h de Nepal.
3 comentarios :
Arriba arriba, continua asì hasta la cumbre :)
Mucha Mucha suerte e buen tiempo!
Stefano y Ulli
Moita sorte Sechu e aproveita e disfruta do CB
unha aperta
Animo!! que todos os problemas sean o do ordenador!! o resto saira rodado. Disfruta do sitio e a dente.
Publicar un comentario