Esta semana participei na Gala do Deporte de Vigo e comarca, por
terceiro ano consecutivo. Inda que desta vez non fun a recoller premio
algún, senón a entregalos. Cando o Concello de Vigo propúxome participar
deste xeito na gala de homenaxe aos mellores deportistas do ano,
aceptei encantado. É unha satisfacción e unha honra entregar premios a
deportistas, tanta como recibilos deles, quizais porque quen mellor
saben o difícil que é obter un recoñecemento ao esforzo e sacrificio son
aqueles que o conseguiron, nos inspiran e admiramos.
Na foto,
lucindo a insignia do Comesaña Sporting Club na solapa, estou coas dúas mulleres triunfadoras da Gala: Carmela Cardama (atleta do Comesaña), elixida na Gala como a
mellor deportista Sub-19, e con Susana Rodríguez (que tamén foi do Comesaña), elixida como a mellor a nivel absoluto.
O Comesaña, club decano do atletismo galego e do que son socio e atleta, celebra este ano o seu Centenario (1915-2015). Parabéns!
 |
| Foto: Ricardo Grobas (Faro de Vigo) |
1 comentario :
Un año en blanco no es nada, sigue trabajando como hasta ahora , el Makalu y otras grandes montañas llegaran cuídate, un saludo y buenas escaladas.
Publicar un comentario